हेटौडाको त्रिखण्डीमा सुरक्षा प्रवन्ध मिलाएका छौंः एसपी सिंह
आज हरिबोधनी एकादशी । हेटौडाको त्रिखण्डी, त्रिवेणीधाम लगायतका मन्दिरहरुमा विषेश मेला लागेको छ ।
मकवानपुरको भीमफेदी गाउँपालिका १ स्थित त्रिखण्डेश्वर महादेव मन्दिरमा मेला भर्न आउने भक्तजनहरुका लागि सुरक्षा व्यवस्था चुस्त राखिएको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
मेलाको समय हुने भिडभाड व्यवस्थीत गर्न तथा हुन सक्ने अप्रिय घटनालाई मध्यनजर गर्दै जिप्रकाले बिहानै देखि प्रहरी टोली खटाएको छ ।
जिल्ला प्रहरी कार्यालयका प्रहरी निरीक्षक पवन कुमार झाको नेतृत्वमा ६० जनाको प्रहरी टोली खटाइएको एसपी सिंहले जानकारी दिनुभयो ।
महिला भक्तजनको सहजताका लागि १० जना महिला प्रहरी खटाइएको उहाँले बताउनुभयो ।
हरेक वर्ष जस्तै यसवर्ष पनि हरिबोधनी एकादशीको मेलामा हेटौंडा बजारमा माछामासु विक्रीवितरण रोक लगाइएको त्रिखण्डी मेला व्यवस्थापन समसतले जनाएको छ ।
यो पनि पढ्नुहोस्
