कपास गोदाममा भएको आगलागी नियन्त्रण बाहिर

हेटौँडा–१ चौकीटोलमा विनोद ढकालको घरमा रहेको एक कपास गोदाममा भएको आगलागी नियन्त्रण बाहिर गएको छ । रामविश्वास यादव र पाश्वत दासले संयुक्त रुपमा गरेको उद्योगमा भएको आगलागी नियन्त्रण बाहिर गएको हो ।  
आगो निभाउन दमकल, सुरक्षाकर्मी र स्थानीय परिचालन भएपनि नियन्त्रणमा आउन सकेको छैन । आगो निभाउने प्रयास जारी रहेको वडा अध्यक्ष सविन न्यौपानेले बताए । घटनास्थलमा मकवानपुरका प्रमुख जिल्ला अधिकारी प्रेमराज जोशी, मकवानपुरका प्रहरी उपरीक्षक मुकेशकुमार सिंहसहितको टोली समेत पुगेको छ । आगलागीपछि उद्योगका संचालक मध्येका यादव अचेत भएका छन् । उनलाई उपचारका लागि अस्पताल लगिएको छ ।
आगो निभाउने प्रयास जारी रहेको छ भने थप दमकल समेत आउने क्रममा रहेको सुरक्षा निकायले जनाएको छ । प्रष्टखबर