एसपी सिंहको नेतृत्वमा राजमार्गमा सवारी जाँच
नजिकिएको तिहारलाई लक्षित गरी जिल्ला प्रहरी कार्यालय मकवानपुरले राजमार्गमा तालिम प्राप्त कुकुरको सहयोगमा सवारी जाँच सुरु गरेको छ ।
पूर्वपश्चिम राजमार्ग अन्तरगत हेटौडा–१५ चुरियामाईमा प्रहरीले सवारी चेकजाँच गरेको हो । मकवानपुरका एसपी मुकेश कुमार सिंहको नेतृत्वमा गएको प्रहरी टोलीले ६० भन्दा बढि सवारीलाई आकस्मिक चेकजाँच गरेको हो ।
चेकजाँचका क्रममा तिहारमा आतिसवाजी गर्ने आलु बम १७ प्याकेट, पटाका बम २ प्याकेट, पटाका ११ प्याकेट, रकेट बम २५ थान, झिरझिरे १५० थान, क्रेकर ३ प्याकेट बरामद गरेको छ ।
ट्राफिक प्रहरी निरीक्षक हरिकृष्ण ढकाल, प्रहरी निरीक्षक ललन कुर्मी सहितको टोलीले राजमार्गमा सवारी जाँच गरेको थियो । बरामद गरेको सामग्री प्रहरीले नष्ट गरेको छ ।
प्रहरीले ६० भन्दा बढि सवारीलाई आकस्मिक रुपमा जाँच गरेको थियो । आगामी दिनमा पनि यस्तो जाँचलाई निरन्तरता दिने प्रहरीले जनाएको छ ।
यो पनि पढ्नुहोस्
