सिआईटिको वार्षिकोत्सवसंगै चाडपर्वको शुभकामना आदानप्रदान
हेटौंडाबाट संचालित कम्प्युटर इन्स्टिच्युट कलेज अफ इन्फर्मेसन टेक्नोलोजीु ९सिआईटि० ले आफ्नो ११ औं वार्षिकोत्सव मनाएको छ । सिआईटिले आज वार्षिकोत्सव संगै चाडपर्वको अवसरमा शुभकामना आदानप्रदान पनि गरेको छ ।
नेपाल टेलिकम हेटौंडाका बरिष्ट इन्जिनियर दिलिप कुमार वर्माको प्रमुख आतिथ्यतामा भएको कार्यक्रममा सिआईटिका प्रवन्ध निर्देशक दिनेश रिजालले ११ बर्षसम्म हेटौंडामा रहेर कम्पुटर र आइटी क्षेत्रमा गरिएको गतिविधि र भावी योजनाका बारे बताएका थिए ।
प्रदेश ३ को राजधानी हेटौंडामा अव छिट्टै नै आइटी कलेज स्थापना गरिने रिजालले बताएका छन् । पोखरा युनिभर्सिटीबाट मान्यता लिएर हेटौंडामा आइटी कलेजको स्थापना गर्ने तयारि भैरहेको उनले बताए ।
कार्यक्रममा प्रमुख अतिथि वर्माले डिजिटल नेपाल बनाउनका लागि सबै लाग्नुपर्ने बताए हेटौंडामा पनि आइटी क्षेत्रले निकै फड्को मारेकाले अब झन् यस संग सम्बन्धित जनशक्ति उत्पादनको खाचो रहेको उनले बताए ।
कार्यक्रममा क्यान महासंघ मकवानपुरका अध्यक्ष पुष्पराज पुडासैनीले मकवानपुर जिल्लालाई आइटी क्षेत्रमा अब्बल बनाउन क्यान हरदम लागिपरिरहने बताए ।
सिआईटिका अध्यक्ष रमेश रिजालको अध्य्क्षतामा भएको कार्यक्रममा नेपाल पत्रकार महासंघ ३ नम्बर प्रदेशका महासचिव कृष्ण सारु मगर, शिक्षा सेवी देव श्रेष्ठ, क्यान महासंघ मकवानपुरका अध्यक्ष पुष्पराज पुडासैनी लगाएको उपस्थिति रहेको थियो ।
यो पनि पढ्नुहोस्
