प्रहरी दिवसको अवसरमा १ सय ६ जनाले गरे रक्तदान
६४ औं प्रहरी दिवसको अवसरमा प्रदेश तीन प्रहरी कार्यालय हेटौडाले रक्तदान कार्यक्रम गरेको छ ।
कार्यक्रममा १ सय ६ जनाले रक्तदान गरेको कार्यक्रम संयोजक प्रहरी निरीक्षक देवराज काफ्लेले जानकारी दिनुभयो ।
प्रदेश तीन प्रहरी कार्यालय हेटौडाका प्रहरी प्रमुख डिआइजी शेरबहादुर बस्नेतले ब्लड व्याग दिएर कार्यक्रम उदघाटन गर्नु भएको थियो ।
कार्यक्रममा जिल्ला प्रहरी कार्यालय मकवानपुरका एसपी मुकेश कुमार सिंह, दंगा प्रहरी नियन्त्रण गणका प्रहरी उपरीक्षक कृष्ण बहादुर पुलामी मगर, प्रदेश तीन प्रहरी कार्यालय हेटौडाका प्रहरी उपरीक्षक अरुण पौडेल, जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक यज्ञ प्रसाद भट्टराई लगायतको उपस्थिति रहेको थियो ।
त्यस्तै, सामुदायिक प्रहरी सेवा केन्द्र हेटौंडा–११ का अध्यक्ष सालिकराम पुडासैनी, जिल्ला ट्राफिक प्रहरी कार्यालय मकवानपुरका प्रहरी निरीक्षक हरिबिष्णु ढकाल लगायतको समेत उपस्थिति रहेको थियो ।
यो पनि पढ्नुहोस्
