कृषि विकास बैंक लुट प्रकरणमा लहान शाखाका निमित्त प्रमुख पक्राउ
कृषि विकास बैंक लुट प्रकरणमा बैंकका कर्मचारी पक्राउ परेका छन् ।
महानगरीय अपराध महाशाखाको टोलीले लहान शाखाका कर्मचारीलाई नियन्त्रणमा लिएको हो । बैंकका कर्मचारी सुनिलकुमार झालाई नियन्त्रणमा लिएको महाशाखाका एसपी केदार ढकालले जानकारी दिनुभयो । साह बैंकका निमित्त प्रमुख थिए ।
बैकको कर्मचारीका युजर आइडी प्रयोग गरेर चार करोड ७३ लाख ९६ हजार रुपैयाँ व्यक्तिको नाममा ट्रान्सफर गरेपछि प्रहरीले अनुसन्धान गरिरहेको छ ।
अहिलेसम्म प्रहरीले १७ जनालाई नियन्त्रणमा लिएको छ । लहान शाखामा रहेको युजर आइडीमात्र प्रयोग गरेको देखिएको छ । झाको आइडी प्रयोग भएपछि थप अनुसन्धानको लागि नियन्त्रणमा लिएको एसपी ढकालले बताउनुभयो ।
लहान शाखामा राम सहदेव यादव व्यवस्थापक छन् । लुटेरा समूहले बैकको युजर आइडी ह्याक गरे वा कर्मचारीले नै दिए भन्ने चाहिँ अहिलेसम्म खुलेको छैन । बैकले त्यहाँ कार्यरत म्यानेजरसहित ६ जना कर्मचारीलाई निलम्बन गरिसकेको छ ।
यो पनि पढ्नुहोस्
