चालकलाई सुरक्षित यात्राको शुभकामनाः नेपाल प्रहरी

नेपाल प्रहरीले चाडपर्वको समयमा सुरक्षित यात्राको शुभकामनासहित चालकलाई माला लगाई विदा गरेको छ ।

हेटौँडा–१० स्थित बसपार्कमा भएको शुभकामना आदानप्रदान कार्यक्रममा ३ नम्बर प्रदेश प्रहरी कार्यालयका प्रहरी नायव महानिरीक्षक शेरबहादुर बस्नेतले चालकहरुलाई माला लगाएर विदा गर्नु भएको हो ।

कार्यक्रमा चालकहरुलाई नियमको पालना गरी यात्रुहरुलाई सुरक्षित गन्तव्यमा पुर्याउन आग्रह गरिएको थियो भने चालकहरुले आफुहरुले आफ्नो जिम्मेवारी पुरा गर्ने प्रतिवद्धता व्यक्त गरेका थिए ।

सामुदायिक प्रहरी कार्यक्रम अन्तरगत भएको कार्यक्रममा जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंह, दंगा प्रहरी नियन्त्रण गणका प्रहरी उपरीक्षक कृष्ण बहादुर पुलामी मगर, ३ नम्बर प्रदेश प्रहरी कार्यालय हेटौडाका प्रहरी उपरीक्षक अरुण पौडेल, जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक यज्ञ प्रसाद भट्टराई लगायतको उपस्थिति रहेको थियो ।

त्यस्तै, सामुदायिक प्रहरी सेवा केन्द्र हेटौंडा–११ का अध्यक्ष सालिकराम पुडासैनी,  जिल्ला ट्राफिक प्रहरी कार्यालय मकवानपुरका प्रहरी निरीक्षक हरिबिष्णु ढकाल, हेटौंडा १० नम्बर वडाका अध्यक्ष किताब सिंह लामा, सामुदायिक सेवा केन्द्र उप केन्द्र हेटौंडा–१० बसपार्कका अध्यक्ष प्रदिप कँडेल लगायतको समेत उपस्थिति रहेको थियो । प्रष्टखबर