जिल्लास्तरीय मिडिया कप फुटसलको उपाधी रेडियो पालुङलाई
मकवानपुरमा भएको जिल्लास्तरीय मिडिया कप फुटसलको उपाधी रेडियो पालुङले जितेको छ ।
आज भएको फाइनल खेलमा रेडियो मकवानपुरलाई ३–१ गोल अन्तरले पराजित गर्दै रेडियो पालुङले उपाधी पजतेको हो ।
हेटौडामा संचालित सामुदायिक रेडियो रेडियो सन्देश १०६.९ मेगाहर्जको प्रथम वार्षिकोत्सवको अवसरमा जिल्लास्तरीय मिडिया कप फुटसल प्रतियोगिता आयोजना गरिएको हो ।
रेडियो पालुङका लागि सागर ढकालले २ र केदार ढकालले १ गोल गरे भने रेडियो मकवानपुरका लागि सुवास विडारीले १ गोल गरेका थिए ।
प्रतियोगिताको विजेतालाई नगद १५ हजार, उपविजेतालाई नगद ७ हजारसहित शिल्ड र मेडल प्रदान गरिनुका साथै उत्कृष्ट खेलाडीलाई पनि पुरस्कृत गरिने आयोजकले जनाएको छ ।
यही असोज १४ गते हेटौंडास्थित क्लब हेटौंडा पार्टी प्यालेसमा नेकपाका प्रवक्ता तथा पूर्व परराष्ट्रमन्त्री, गृहमन्त्री एवम् उपप्रधानमन्त्रीको प्रमुख आतिथ्यतामा सञ्चालन हुने वार्षिक उत्सव समारोहमा विजयी टिमलाई पुरस्कार वितरण गरिने सामुदायिक संचार समुहका अध्यक्ष सुनिल खड्काले जानकारी दिए ।
यो पनि पढ्नुहोस्
