चरेस कारोबारमा संलग्न युवती सहित मोटरसाईकल चोर पक्राउ
जिल्ला प्रहरी कार्यालय मकवानपुरले ८ किलो १ सय ६० ग्राम लागुऔषध चरेससहित पक्राउ परेकी एक युवतीलाई आज सार्वजनिक गरेको छ ।
काठमाडौंबाट धरानका लागि छुटेको बा ४ ख ८०६० नम्बरको बसमा सवार पर्साको पटेर्वा सुगौली नगरपालिका १ की २४ बर्षीया गिता राईलाई गएराती पक्राउ गरेको हो ।
प्रहरी निरीक्षक पवनकुमार झाको टोलीले हेटौँडा–१० बसपार्कबाट राईलाई पक्राउ गरेको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
यस्तै प्रहरीले मोटरसाइकल चोरी गर्ने रौतहट चन्द्रपुर नगरपालिका ८ का १८ बर्षीय अविनाश चौधरीलाई पनि सार्वजनिक गरेको छ ।
भक्तपुर थिमीबाट हेन्डिल लक तोडेर चोरी गरी ल्याउँदै गरेको लु ५४ प ६०९८ नम्बरको मोटरसाइकलसहित चौधरीलाई पक्राउ गरेको एसपी सिंहले जानकारी दिनुभयो ।
यो पनि पढ्नुहोस्
