सवारी दुर्घटनामा २ जनाको मृत्यु
मकवानपुरको छुट्टा छुट्टै स्थानमा आज भएको सवारी दुर्घटनामा २ जनाको मृत्यु भएको छ ।
हेटौंडा– १० राप्ती पुल नजिक बसको ठक्करबाट १ जना र भीमफेदी –६ माण्डुमा ट्रयाक्टर दुर्घटना हुँदा २ जनाको मुत्यु भएको जिल्ला प्रहरी कार्यालय मकवानपुरले जनाएको छ ।
आज बिहान सिलगुडीबाट काठमाडौंका लागि छुटेको ना ५ ख ७९४२ नम्बरको बसले ठक्कर दिदा हेटौंडा ११ डेरा गरी बस्ने चश्म भक्त श्रेष्ठको मृत्यु भएको प्रहरीले जनाएको छ । श्रेष्ठको उपचारको क्रममा हेटौंडा अस्पतालमा मृत्यु भएको हो ।
यस्तै आजै भिमफेदी गाउँपालिका माण्डुस्थित भित्रि सडकमा ना ६ त ६०३५ नम्बरको खाली ट्रयाक्टर पल्टिदा १ जनाको मृत्यु भएको छ भने चालकसहित ४ जना घाइते भएका छन् ।
मुत्यु हुनेमा भिमफेदी ३ का उमेश बस्नेत रहेको जिप्रका मकवानपुरले जनाएको छ । घाइतेहरु भिमफेदी ३ का दुर्गा कार्की, राजु बस्नेत र राजिव पोखरेलको हेटौंडामा उपचार भइरहेको छ ।
यो पनि पढ्नुहोस्
