१६५ ट्याब्लेट नाईट्रोभेट सहित २ जना पक्राउ
मकवानपुर प्रहरीले हेटौडा १५ रातोमाटे बाट लागुऔषध नाईट्रोभेट सहित २ जनालाई पक्राउ गरेको छ ।
ईलका प्रहरी कार्यालय पशुपतिनगरबाट प्रहरी निरिक्षक अरुण कुमार कुसवाहाको कमाण्डमा खटिएको टोलीले ना ३३ प ३६१० नम्बरको मोटरसाईकल चेकजाँच गर्दा मोटरसाईकलको सिटमुनि लुकाई १६५ ट्याब्लेट नाईट्रोभेट फेला परेको जिल्ला प्रहरी कार्यालय मकवानपुरले जनाएको छ ।
लागुऔषध सहित चालक भारत बिहार मोतिहारी जिल्ला भेलाही बस्ने १८ बर्षका जाबेद आलम र मोटर साईकलमा सवार रौतहटको चन्द्रपुर बस्ने २१ बर्षका आस नारायण यादवलाई लागु नियन्त्रणमा लिएको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
यो पनि पढ्नुहोस्
