हेटौडामा असोज १५ गते देखि विश्वशान्तिका लागि फुर्वा पूजा हुने
हेटौडा उपमहानगरपालिका ५ सानोपोखरा स्थित बेलडाँडामा रहेको जिग्तेन शिवा क्षेथार लिङ बौद्ध गुम्बामा पहिलो पटक विश्वशान्तिका लागि फुर्वा पूजा हुने भएको छ ।
सम्पूर्ण प्राणीहरुको उद्धारको लागि असोज १५ देखि १८ गतेसम्म फुर्वा पूजा आयोजना गर्न लागिएको गुम्बा व्यवस्थापन समितिका अध्यक्ष तथा फुर्वा पुजा कार्यक्रमकी संयोजक डोल्मा स्याङबोले जानकारी दिनुभयो ।
गुम्बा परिसरमा आज पत्रकार सम्मेलन गर्दै उहाँले फुर्वा पूजाको लागि भारतको देहरादुनबाट धर्मगुरु ज्ञान बज्र रिन्पोछे सहित लामाहरू आउने जानकारी दिनुभयो ।
असोज १५ गते बिहान ९ बजे फुर्वा पुजाको उदघाटन हुनेछ भने १६ र १७ गते फुर्वा पुजा सम्बन्धी पुजा पाठ र १८ गते धर्म गुरु रिन्पोछे बाट प्रवचन र वाङ अभिषेक हुने संयोजक स्याङबोले बताउनुभयो ।
पत्रकार सम्मेलनमा प्रचारप्रसार समितिका संयोजक रमेश थिङ तामाङ, गुम्बाका प्रमुख लामा लिरन दोर्जे सिङतान लामा लगायतक गुम्बा व्यस्थापन समितिका पदाधिकारीहरुको उपस्थिति रहेको थियो।
यो पनि पढ्नुहोस्
