लागुऔषध गाँजा र चरेससहित ५ जनालाई पक्राउ
जिल्ला प्रहरी कार्यालय मकवानपुरले लागुऔषध गाँजा र चरेससहित ५ जनालाई पक्राउ गरेको छ ।
गाँजा सहित २ जना र चरेससहित ३ जना पक्राउ परको कार्यालयमा ओयोजित पत्रकार सम्मेलनमा जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
प्रहरीले ४ किलो ९ सय ग्राम गाँजासहित भारत बिहार मजफ्फरपुरका २८ बर्षीय शिवराज सिंह, २४ बर्षीय ज्ञानीकुमार पासवान र शिवहरका २४ बर्षीय राजु महतोलाई पक्राउ गरेको हो ।
हेटौँडाबाट बीरगंज जाँदै गरेको बिआर ०१पिएफ ७९९८ नम्बरको भारतीय कारलाई हेटौँडा–१५ रातोमाटेमा जाँच गर्दा एसीको भागमा फल्स बटम बनाएर लुकाएको अवस्थामा १० पोकामा चरेस फेला परेको एसपी सिंहले जानकारी दिनुभयो ।
यस्तै प्रहरीले १२ किलो ४ सय ग्राम लागुऔषध सहित मकवानपुरको कैलाश गाउँपालिका ८ का २६ बर्षीय राजकुमार थिङ र २१ बर्षीय दिपेश थिङ पक्राउ गरेको छ ।
राक्सिराङ गाउँपालिका ४ दोभानमा हिडिरहेका उनीहरुलाई शंकाको आधारमा जाँच गर्दा उक्त परिमाणको गाँजा फेला परेको सिंहले जानकारी दिनुभयो ।
यो पनि पढ्नुहोस्
