साहित्य सङ्गम मकवानपुरको अध्यक्षमा पुन निमेष निखिल चयन
साहित्य सङ्गम मकवानपुरको अध्यक्षमा पुन निमेष निखिल चयन हुनुभएको छ ।
शनिबार भएको १४ औं अधिबेशनले अध्यक्षमा पुनः निमेष निखिललाई नै सर्वसम्मत चयन गरेको हो । उपाध्यक्षमा अनिता न्यौपाने, सचिवमा डि बी बर्तौला, कोषाध्यक्षमा सानुबाबु खनाल, सहकोषाध्यक्षमा सबिता तिमल्सिना चयन भएका छन् ।
अधिबेशनको उद्घाटन गर्दै हेटौंडा उपमहा नगरपालिकाका उपप्रमुख मिना लामाले साहित्यको माध्यमबाट समाजमा परिवर्तन आउने बताउनुभयो ।
साहित्य सङ्गम मकवानपुरका अध्यक्ष निमेष निखिलको सभाध्यक्षतामा भएको कार्यक्रममा साहित्यप्रमेमी विभिन्न व्यक्तित्वहरुलाई सम्मानित गरिएको छ ।
कार्यक्रममा पत्रकार महासँघका पुर्वअध्यक्ष नवराज शर्मा, साहित्यकारहरु आरसी रिजाल, तुल्सी थापा, तुलसी घिमिरे, सुवास खनाल लगायतको सहभागिता रहेको थियो ।
यो पनि पढ्नुहोस्
