किरणचोक टोल बिकास संस्थाको साधारण सभा सम्पन्न
हेटौंडा ७ तथा ८ स्थित किरणचोक टोल बिकास संस्थाकोे दशौं साधारण सभा तथा किरणचोक आमा समुहको चौथो साधारण सभा आज सम्पन्न भएको छ ।
प्रदेश तिनका सांसद प्रेम बहादुर पुलामीको प्रमुख आतिथ्यता तथा किरणचोक टोल बिकास संस्थाका अध्यक्ष राजु अधिकारीको अध्यक्षतामा कार्यक्रम भएको हो ।
कार्यक्रमका सहभागिहरुले जनताको पहिलो समन्वय गाँउ टोलसँग हुने भएकोले टोल बिकास संस्था सक्रिय रहनु जरुरी रहेको बताएका छन् ।
सहभागिहरुले किरण टोल बिकास संस्था हेटौंडाकै सक्रिय र नमुना टोल बिकास सँस्था भएको बताउदै संस्थालाई अझै सक्रिय बनाउनुपर्नेमा जोड दिएका छन् ।
कार्यक्रममा संस्था तथा समुहका सचिव तथा कोषाध्यक्षहरुले आ आफ्ना प्रतिवेदन प्रस्तुत गरेका थिए । यस्तै कार्यक्रममा बालक्लबका सदस्यहरुले नृत्य प्रस्तुत गरेका थिए । कार्यक्रममा संस्थालाई योगदान पुर्याउने बिभिन्न व्यक्तित्वहरुलाई सम्मानित गरेको छ ।
कार्यक्रममा वडा नम्बर ७ का अध्यक्ष राजन थापा, वडा सदस्यहरु कृष्ण प्रसाद दाहाल, सन्तुमाया पाख्रिन, हेटौंडा उपमहानगरपालिका सामाजिक बिकास महाशाखाका अधिकृत भैरव कुमाल लगायत बिभिन्न टोल बिकास सँस्थाहरुको सहभागिता रहेको थियो ।
यो पनि पढ्नुहोस्
