विद्यालय स्तरीय छात्र तथा छात्रा दौड प्रतियोगिता सम्पन्न(तस्विरहरु)
नेपाल बाल संगठन मकवानपुरले राष्ट्रिय बाल दिवस २०७६ को अवसरमा विद्यालय स्तरीय छात्र तथा छात्रा दौड प्रतियोगितामा आयोजना गरेको छ ।
आज हेटौँडामा भएको दौड प्रतियोगिता छात्र तर्फ बालमन्दिर भिमफेदीका रामराज शाही प्रथम, प्रगती माविका सागर लामा दोश्रोे र महेन्द्र मावि फिमफेदीका कमल धामी तेश्रो भएका छन् ।
यस्तै छात्रा तर्फ चन्द्रोदय माविकी मधु चौधरी प्रथम, वंशगोपाल माविकी सपना तिमिल्सेना दोश्रो र प्रगती माविकी शान्ति थिङ तेश्रो भएका छन् ।
प्रथम, दोश्रो र तेश्रो हुने भाइबहिनीलाई क्रमशः नगद पाँच हजार, तीन हजार र दुई हजार रुपैया सहित मेडल तथा प्रमाणपत्र प्रदान गरिएको थियो ।
हेटौँडाको बुद्धचौकबाट सानोपोखरास्रम्म तीन किलोमिटर दुरीको दौड प्रतियोगिता आयोजना गरिएको हो । प्रतियोगितामा हेटौँडा नगर क्षेत्रका विद्यालयका र भीमफेदीस्थित बाल गृहका विद्यार्थीहरुको सहभागितामा रहेको थियो ।
संगठनले भोली भीमफेदीमा राष्ट्रिय बाल दिवसको अवसरमा खेलकुद प्रतियोगिता र अतिरिक्त क्रियाकलाप गर्ने कार्यक्रम संयोजक कृष्ण नकर्मीले जानकारी दिनुभयो ।
हेटौडा सिमेन्ट अद्योग लिमिटेडका अध्यक्ष रघुरमण न्यौपानेको प्रमुख आतिथ्यता रहेको कार्यक्रममा हेटौडा वडा नम्बर १ का अध्यक्ष सविन न्यौपाने, जिल्ला खेलकुद विकास समितीका कार्यालय प्रमुख राजन दाहाल लगायतको आतिथ्यता रहेको थियो । बाल संगठनका मकवानपुर अध्यक्ष रमेश गिरीको अध्यक्षतामा कार्यक्रम भएको हो ।
यो पनि पढ्नुहोस्
