जिप दुर्घटना हुदाँ तीनको मृत्यू 

पाल्पामा जिप दुर्घटना हुँदा तीन जनाको मृत्यु भएको छ भने १८ जना घाईते भएका छन् ।

पाल्पाको हुँगीबाट स्याङजाको गल्याङतर्फ जाँदै गरेको जीप आज दिउँसो दुर्घटना भएको हो । दुर्घटनामा वालिङ–१३ वायखोलाका नौ महिने बालक पल्सन परियार, वालिङ –११ स्याङजाका ३४ वर्षका मञ्जु गैरे र रम्भा गाउँपालिका १ का ७२ वर्षका सीता नेपालीको मृत्यु भएको प्रहरीले जनाएको छ ।

गल्याङ नगरपालिका–३ बुटवल पावर हावस नजिकै लु १ ज ३८४१ नम्बरको जिपले विपरित दिशाबाट आउँदै गरेको बसलाई साइड दिँने क्रममा दुर्घटना भएको हुनसक्ने प्रहरीले अनुमान गरेको छ ।

घाइतेको लुम्बिनी मेडिकल कलेजमा उपचार भइरहेको छ । घाइतेमध्ये दुई जनाको अवस्था गम्भीर रहेको छ । जीप सडकबाट दुइ सय मिटर तल खसेको र यस सम्बन्धमा थप अनुसन्धान गर्ने काम भइरहेको प्रहरीले जनाएको छ ।