तरूण दल मकवानपुरको तिज कार्यक्रममा उत्कृष्ट नृत्य गर्नेलाई माइली तिलरी पुरस्कार
नेपाल तरूण दल मकवानपुरले हिन्दु महिलाहरुको महान पर्व हरितालिका तिजका अवसरमा तिज विशेष कार्यक्रम गर्ने भएको छ ।
हेटौडामा आज पत्रकार सम्मेलन गर्दै तरूण दल मकवानपुरका अध्यक्ष ईश्वर पाठकले भदौं ११ गते पल्पसा सभाहलमा कार्यक्रम गरिने जानकारी दिनु भएको हो ।
राष्ट्रिय तथा स्थानीय कलाकारहरुको उपस्थितिमा वृहत सांस्कृतिक कार्यक्रम गर्न लागिएको कार्यक्रम संयोजक अञ्जना उपाध्यायले बताउनुभयो ।
नेपाली कांग्रेसका पूर्व महामन्त्री एवं पूर्व उपप्रधानमन्त्री प्रकाशमान सिंहको प्रमूख आतिथ्यतामा हुने तिज विशेष तथा दर खाने कार्यक्रममा चर्चित लोक गायक पशुपति शर्मा र गायिका टिका सानुले लोकदोहोरी तथा तीज गीतको विशेष प्रस्तुती दिनेछन् ।
साथै चर्चित हास्यकलाकार शिवशंकर रिजाल जोगिन्दरले हास्य प्रस्तुती दिने संयोजक उपाध्यायले जानकारी दिनुभयो ।
कार्यक्रममा उत्कृष्ट नृत्य गर्ने एक जनालाई सुनको माईली तिलरी, दोस्रो हुनेलाई सुनको चन्द्रमा, तेस्रो हुनेलाई औठी, चौथो हुनेलाई चाँदीको पाउजु र सान्त्वनालाई छल्ला पुरस्कार दिइने तरुण दल मकवानपुरका अध्यक्ष इश्वर पाठकले जानकारी दिनुभयो ।
सुन चाँदि व्यवसायी संघले पुरस्कारको व्यवस्था गरेको छ ।
मौलिकताको संरक्षण गर्दै संस्कारलाई बढावा दिने उदेश्यले तिज विशेष कार्यक्रम गरी करिव २००० दिदीबहिलाई दर खुवाउन लागिएको अध्यक्ष पाठकले जानकारी दिनुभयो । कार्यक्रममा करिब ८ लाख रुपैया खर्च हुने अनुमान गरिएको छ ।
यो पनि पढ्नुहोस्
