नेपाल ट्रेड युनियन काङ्ग्रेस बाराले दिदीबहिनीलाई दर खुवायो (फोटो फिचर)
हिन्दु नेपाली महिलाहरुको महान पर्व हरितालिका तिजको अवसरमा नेपाल ट्रेड युनियन काङ्ग्रेस बाराले दर खाने कार्यक्रम आयोजना गरेको छ ।
नेपाली काङ्ग्रेस बाराका सभापती जयचन्द्र चौरसियाको प्रमुख आतिथ्यतामा भएको कार्यक्रममा जिल्लाका प्राय सबै संघसंस्थामा आबद्ध ८२ जना महिला दिदीबहिनीहरुको उपस्थिती रहेको थियो ।
कार्यक्रमका प्रमुख अतिथी चौरसियाले तिजको अवसरमा सम्पूर्ण दिदीबहिनीमा शुभकामना व्यक्त गर्नुभयो ।
दर खाने कार्यक्रममा कलैया उपमहानगरपालिकाकी उपमेयर नजमा खातुन, महागढिमाइ नगरपालिकाकी उपमेयर तारा देवी कानु, नेपाल ट्रेड युनियन काङ्ग्रेस बाराका अध्यक्ष विश्वमणी शर्मा लगायतको आतिथ्यता रहेको थियो ।
कार्यक्रममा प्रथम उपाध्यक्ष शंकर प्रसाद शाह कानु, दितिय उपाध्यक्ष रामआधार प्रसाद यादव, सचिव ध्रुव राय, कोषाध्यक्ष चन्द्रेश्वर प्रसाद यादव लगायत १९ जना पुरुषको सहभागिता रहेको थियो ।
नेपाल ट्रेड युनियन काङ्ग्रेस बाराका अध्यक्ष शर्माको अध्यक्षतामा भएको कार्यक्रममा उपस्थित महिला दिदीबहिनीहरुलाई टिका, चुरा र पोते वितरण गरिएको थियो ।
यो पनि पढ्नुहोस्
