नेपाल साफ अण्डर फिफ्टीन पुरुष फुटबल जित्ने योजनामा
पाँचौं संस्करणको साफ अण्डर १५ (फिफ्टीन) पुरुष फुटबल च्याम्पियनसिप भोलीबाट भारतमा सुरु हुँदैछ।
भारतको कल्याणीमा हुने च्याम्पियनसिपमा नेपालले पनि प्रतिस्पर्धा गर्दैछ । प्रतियोगिताका लागि नेपाली टिम हिजो नै भारत गैसकेको छ ।
प्रतियोगित अघि नेपालले आज अन्तिम तयारी स्वरुप कल्याणी रंगशालामा अभ्यास गरेको छ ।
नेपालले हालसम्म १५ वर्ष मुनिको च्यान्पियन सिप जित्न नसकेको पाँचौ संस्करणमा भने नेपाल उपाधि चित्ने योजनामा रहेको छ ।
प्रतियोगितामा नेपालसहित साविकको विजेता बंगलादेश, भारत, श्रीलंका र भुटान रहेका छन् । राउण्ड रोविनको आधारमा खेलाईने प्रतियोगिताको शीर्ष दुई टोलीले उपाधिका लागि खेल्नेछन् ।
नेपालले बुधबार भारतको सामना गर्दै प्रतियोगिताको सुरुवात गर्नेछ । यस्तै नेपालले शुक्रबार श्रीलंका, तेस्रो खेलमा आईतबार बंगलादेश र अन्तिम खेलमा अर्को साताको बुधबार भुटानको सामना गर्नेछ ।
यो पनि पढ्नुहोस्
