रचना वाचन तथा अन्तरक्रिया सम्पन्न
झरना साहित्यिक परिवार मकवानपुरले छतिवनको महेन्द्र माविमा शनिबार रचना वाचन तथा अन्तरक्रिया कार्यक्रम सम्पन्न गरेको छ ।
२४१ औँ साहित्य शृङखलाका अवसरमा आयोजित कार्यक्रममा स्थानीय विद्यार्थीहरूले पनि आआफ्ना रचना वाचन गरेका थिए ।
झरनाले आगामी दिनमा आफ्ना गतिविधिलाई कसरी प्रभावकारी रुपमा अगाडि बढाउने भन्ने विषयमा अन्तरक्रिया समेत गरिएको थियो ।
कार्यक्रममा साबिकको छतिवन गाविसका पूर्व उपाध्यक्ष कृष्णप्रसाद चौँलागाईँको प्रमुख आतिथ्यता तथा बकैया ४ का वडाध्यक्ष राजन दङ्गालको विशिष्ट आतिथ्यता रहेको थियो ।
कार्यक्रममा झरनाका सल्लाहकार जनार्दन खनाल, साबिकको धियाँल गाविसका पूर्व उपाध्यक्ष नारायण तिमल्सिना, चिरञ्जीवी लामिछाने, गायत्री रुपाखेती, मञ्जु दाहाल लगायतको उपस्थिति रहेको थियो । कार्यक्रम झरनाका अध्यक्ष दीपक गौतमको अध्यक्षतामा सम्पन्न भएको हो ।
यो पनि पढ्नुहोस्
