बस दुर्घटनामा १ जनाको मृत्यु, १५ जना घाइते
हेटौंडा १९ दारीमटारमा बस दुर्घटना हुँदा १ जनाको मृत्यु भएको छ । १५ जना घाइते भएका छन् ।
काठमाडौंबाट गौर जाँदै गरेको ना ५ ख २२३३ नम्बरको बस दुर्घटना हुँदा सर्लाहीको रामपुरका ५८ बर्षीय मुकेश शर्माको मृत्यु भएको जिल्ला प्रहरी कार्यालउ मकवानपुरले जनाएको छ । उनको उपचारको क्रममा चुरेहिल अस्पतालमा मृत्यु भएको हो ।
दारीमटारमा आज बिहान करिब सांढे २ बजे बस अनियन्त्रित भई बिजुलीको पोलमा ठोक्किंदा दुर्घटना भएको प्रहरीले जनाएको छ ।
घाइते मध्ये ४ जनालाई थप उपचारका लागि चितवन रेफर गरिएको छ भने ३ जनाको चुरेहिल अस्पतालमै उपचार भइरहेको र अन्य सामान्य उपचार पछि घर फर्किएको प्रहरीले जनाएको छ ।
यो पनि पढ्नुहोस्
