इन्डोर हक्की च्याम्पियनसिपमा फिलिपिन्सलाई हराउदै नेपाल नवौं स्थानमा
एसिया कप इन्डोर हक्की च्याम्पियनसिपमा नेपाली पुरुष हक्की टोलीले नवौं स्थान हात पारेको छ ।
आज थाइल्यान्डको चुनवरीमा नवौं र १०औंको लागि भएको प्ले अफमा फिलिपिन्सलाई ३–० ले पराजित गर्दै नेपालले नवौं स्थान हात पारेको हो ।
यससँगै नेपालले च्याम्पियनसिपमा सान्त्वना जित निकाल्न सफल भएको हो । च्याम्पियनसिपमा पुरुषतर्फ नेपालसहित १० टोलीको सहभागिता रहेको थियो ।
समूह चरणमा दुवै टोली जितविहीन हुदै पुछारमा रहेको थियो । महिलातर्फ पनि नेपालले समूह चरणमा फिलिपिन्समाथि ३–२ को रोमाञ्चक जित निकालेको थियो ।
समूह चरणमा नेपाल सिंगापुरसँग १७–१, उज्जेकिस्तानसँग १३–२, काजकस्तानसँग १२–१ ले र चाइनिज ताइपेइसँग ७–६ ले पराजित भएको थियो ।
च्याम्पियनसिपमा पुरुषतर्फ १० र महिलातर्फ ९ टोलीको सहभागिता छ । महिलातर्फ नेपालले सातौ र आठौंका लागि भोलि सिंगापुरसँग खेल्दैछ । नेपाल समूह ‘ए’ मा १ जितसहित चौथो स्थानमा रहेको थियो । समूह ‘बी’ मा सिंगापुर जितविहीन छ ।
यो पनि पढ्नुहोस्
