मकवानपुरको भीमफेदीमा पहिरोमा फसेको २६ जना उद्धारको पर्खाइमा
लगातारको वर्षाले देशका विभिन्न स्थानका मानिस बाढी पहिरोको उच्च जोखिममा परेका छन् ।
मकवानपुरको भीमफेदी गाउंँपालिका वडा नम्बर–५ माथिल्लो दमारका २६ जना पहिरोको बीचमा फसिरहेको प्रहरीले जनाएको छ ।
लगातार परेको पानीले घर वरिपरिबाट पहिरो गएको र पहिरोको बीचमा फसेका पाँच घरका २६ जना उद्धारको पर्खाइमा रहेको जिल्ला प्रहरी कार्यालय मकवानपुरका प्रहरी उपरीक्षक मुकेशकुमार सिंहले जानकारी दिनुभयो ।
उनीहरुको उद्धारका लागि नेपाली सेना र नेपाल प्रहरीको टोली पुगिसकेको सिंहले बताउनुभयो ।
स्थानीय सोमबहादुर घलान लगायतका ५ जनाको घर परिवारका २६ जना सदस्य जोखिमयुक्त ठाउँमा रहेका छन् ।
यो पनि पढ्नुहोस्
