अपडेटः राक्सिराङमा बिशालु च्याउ खाँदा गुञ्जमायाको मृत्यु, ३ जना बेहोस
मकवानपुरको राक्सिराङ गाउँपालिका वडा नं ७ दाराङमा बिशालु च्याउ खाँदा एक किशोरीको ज्यान गएको छ ।
विषालु च्याउ पकाएर खाँदा स्थानिय १३ वर्षकी गुञ्जमाया चेपाङको ज्यान गएको जिल्ला प्रहरी कार्यालय मकवानपुरले जनाएको छ ।
च्याउ खाएर बेहोस हुनेमा मृतक गुञ्जमायाका बुबा ४५ बर्षीय दिपबहादुर चेपाङ, दाई १९ बर्षीय बच्चालाल र भाई ७ बर्षीय पल्टा चेपाङ रहेका छन् ।
उनिहरुलाई हेलिकप्टरबाट उद्धार गरी उपचारको लागि भरतपुर पठाइएको जिल्ला प्रहरी कार्यालय मकवानपुरले जनाएको छ ।
यो पनि पढ्नुहोस्
