ब्लड बैकमा रगतको अभावः मकवानपुर इन्चार्ज टंक प्रसाद दहाल
ब्लड बैक मकवानपुरका इन्चार्ज टंक प्रसाद दहालले ब्लड बैकमा रगतको अभाव भएको बताउनु भएको छ।
नेपाल औषधी व्यवसायी संघको ४३ औं स्थापना दिवसका अवसरमा आयोजित खुला रक्तदान कार्यक्रममा उहाँले अब रगत संकलनका लागि धेरै भन्दा धेरै कार्यक्रमहरु गर्नु पर्ने आवस्यक्ता रहेको बताउनुभयो ।
हेटौडाको बुद्धचोकमा भएको रक्तदान कार्यक्रममा उहाँले सबै युवाहरूलाई रक्तदान गरेर रगतको अभाव कम गर्न सहयोगी भुमिका खेल्न आग्रह गर्नुभयो ।
कार्यक्रममा नेपाल औषधी व्यवसायि संघ हेटौडाका अध्यक्ष सुधिर दहालले ब्लड बैंकमा रगतको अभाव भएको जानकारी पाएकाले कमी पुरामा गर्न स्थापना दिवसको अवसर पारेर रक्तदान कार्यक्रम गरेको बताउनुभयो ।
रगत अभावले मानिसको ज्यान समेत जान सक्ने भएकाले बेलैमा यसको अभाव पूर्ति गर्न सबैले आ आफ्नो क्षेत्रबाट सहयोग गर्नु पर्ने उहाँले बताउनुभयो । कार्यक्रममा युवा व्यवसायी, महिला पुरुष गरी ४१ जनाले रक्तदान गरेका छन् ।
यो पनि पढ्नुहोस्
