२७ किलो गाँजा सहित मनहरीबाट २ जना पक्राउ
मकवानपुर प्रहरीले २७ किलो लागू औषध गाँजा सहित मनहरीबाट २ जना लाई पक्राउ गरेको छ ।
शनिबार राती जिल्ला प्रहरी कार्यालय मकवानपुरबाट प्रहरी निरीक्षक पवन कुमार झाको कमाण्डमा खटिको प्रहरी टोलिले मनहरी गाउपालिका ८ गणेशधारा स्थित पुर्व पश्चिम सडक खण्डमा संकास्पद रुपमा हिडिरहेको अवस्थामा २७ किलो लागु औषध गाँजा सहित २ जनालाई पक्राउ गरेको मकवानपुर प्रहरीले जनाएको छ ।
पक्राउ पर्नेमा रौतहट राजपुर नगरपालीका ८ बस्ने २३ बर्षीय दिनेश जैसवाल र रौतहट माधव नारायण गाउपालिका ५ बस्ने ३५ बर्षीय सुरेश साह रहेको प्रहरीले जनाएको छ ।
प्रहरीले जैसवालले बोकेको रातो कालो झोला भित्र लागु औषघ गाँजा ११ किलो र साहले बोकेको सेतो बोरा भित्र लुकाई छिपाई राखेको अवस्थामा १६ किलो गरी २७ किलो गाजा बरामद गरेको प्रहरीले जनाएको छ । दुबैलाई आवश्यक अनुसन्धान तथा कारबाही भइरहेको प्रहरीले जनाएको छ ।
यो पनि पढ्नुहोस्
