चौंथो ललित स्मृति फुटबल च्याम्पियनसिपमा मछिन्द्र क्लब विजयी
चौंथो संस्करणको ललित स्मृति १८ वर्ष मुनिको फुटबल च्याम्पियनसिपमा मछिन्द्र फुटबल क्लबले विजयी सुरुवात गरेको छ ।
आज भएको खेलमा संकटा क्लबलाई ४–० गोल अन्तरले पराजित गर्दै मछिन्द्रले जित हात पारेको हो । एन्फा कम्प्लेक्स सातदोबाटोमा मछिन्द्रलाई जित दिलाउन कार्लोस बखारियाले ह्याट्रिक गर्नुभयो भने रोशन भुजेलले एक गोल गर्नुभयो ।
एन्फाका पुर्व उपाध्यक्ष ललितकृष्ण श्रेष्ठको स्मृतिमा अखिल नेपाल फुटबल संघ (एन्फा) ले आयोजना गर्ने प्रतियोगितामा ‘ए’ डिभिजनका १४ क्लब सहभागि छन् । लिग कम नकआउटका आधारमा सञ्चालन हुने प्रतियोगितामा सहभागि टिमलाई तीन समूहमा विभाजन गरिएको छ ।
समूह चरणका विजेता र उपविजेता सहित उत्कृष्ट २ टिमले नकआउट चरणमा स्थान बनाउनेछन् । प्रतियोगिताको विजेताले ३ लाख रुपैयाँ प्राप्त गर्नेछ । उपविजेताले १ लाख ५० हजार रुपैयाँ पाउनेछ ।
यो पनि पढ्नुहोस्
