धादिङमा बोलेरो दुर्घटनामा ज्यान गुमाएका पाँचै जनाको सनाखत
धादिङको गल्छि गाउँपालिका ६ बाझगाउँमा बोलेरो दुर्घटनामा मृत्यु भएका पाँचै जनाको सनाखत भएको छ ।
दुर्घटनामा मृत्यु हुने गल्छि गाउँपालिका ४ का ३८ बर्षिय राजु रम्तेल, सोहि स्थानका ३२ बर्षिय सेते मिजार,गल्छि गाउँपालिका ६ का ३० बर्षिया कान्छि भुजेल र सोही स्थान बस्ने ३५ बर्षिया नानु तामाङ रहेका छन् ।
यस्तै २१ वर्षीय समिक्षा अधिकारीको उपचारका लागि लैजादै गर्दा बाटोमा नै मृत्यु भएको जिल्ला प्रहरी कार्यलय धादिङले जनाएको छ ।
दुर्घटनामा परि १० जना घाईते भएका छन् । घाईतेहरुको स्थानीय स्वास्थ्य संस्थामा सामान्य उपचार पछि काठमाण्डौं पठाईएको छ । गल्छिको सिरुबानीबाट बैरैनीका लागि छुटेको बा १८ च ९४०८ नम्बरको जीप दुर्घटनामा परेको हो ।
यो पनि पढ्नुहोस्
