आईपीएलमा शीर्ष स्थानको चेन्नई सुपर किंग्सको छैटौं जित

इण्डियन प्रिमियर लिग आईपीएलमा शीर्ष स्थानको चेन्नई सुपर किंग्सले छैटौं जित हासिल गरेको छ । चेन्नईले राजस्थान रोयल्सलाई ४ विकेटले पराजित गरेको हो ।

१५२ रनको लक्ष्य पछ्याएको चेन्नईले इनिङको अन्तिम बलमा जित हासिल गर्नुअघि विकेट गुमाएको थियो । टस हारेर ब्याटिङको निम्तो पाएको राजस्थानले २० ओभरमा सात विकेट गुमाउँदै १५१ रन बनाएको थियो ।

जितसँगै चेन्नाइले लिगको अंकतालिकामा शीर्ष स्थानमा ४ अंकको अग्रता बनाएको छ । चेन्नईको ७ खेलमा १२ अंक छ भने दोस्रो स्थानेको कोलकाता नाइट राइडर्सको ६ खेलमा ८ अंक छ ।