मैत्रीपूर्ण फुटसलमा पत्रकार महिलाको टिम विजयी, महिला जागरण सहकारी ३–१ गोलले पराजित
महिला जागरण बचत तथा ऋण सहकारी संस्था लिमिटेड मकवानपुर र मकवानपुरका पत्रकार महिला बिच आज भएको मैत्रिपुर्ण फुटसलमा पत्रकार महिलाको टिम विजयी भएकोे छ ।
संस्थाले आफ्नो २१ औ स्थापना दिवसका अवसरमा गढी गाँउपालिका मक्रान्चुलीमा रहेको मिनिपचिमा आयोजना गरेको फुटसलमा पत्रकार महिलाको टिम ३–१ गोल अन्तरले विजयी भएको हो ।
पत्रकार महिलाको जितका लागि मानवी बानियाँले ११ औ मिनेटमा पहिलो गोल गरेकी थिइन् भने दोस्रो गोल श्रृजना नेपालले १८ औं मिनेटमा गरेकी थिइन् । पत्रकार सम्झना घिमिरले २८ औँ मिनेटमा गरेको गोलसंगै पत्रकार महिला टिमको जित शुनिष्चीत भयो ।
सहकारी संस्थाको तर्फ बाट निरुता हुमागाइले ३८ औँ मिनेटमा सान्त्वना गोल गरिन् । विजयी हुने टिमलाई चैत्र २८ गते सहकारीको स्थापना दिवसका अवसरमा प्रमाण पत्र सहित ट्रफी तथा नगद पुरस्कार वितरण गरिने संस्थाकी अध्यक्ष कल्पना श्रेष्ठले जानकारी दिनुभयो ।
खेलमा पत्रकार महासंघ मकवानपुरकी सहसचिव शुभलक्ष्मी विक, सदस्य सरला अधिकारी, क्रियाशिल पत्रकार महिला संजालकी अध्यक्ष रेश्मि कार्की, पत्रकार नानिमैयाँ सापकोटा, संझना घिमिरे, प्रिया पौडेल, सम्झना रिजाल, श्रृजना नेपाल, मानवी बाँनिया, प्रतिक्षा न्यौपाने, शान्ति सुनुवार, अलिशा न्यौपानेको उपस्थिती रहेको थियो ।
कार्यक्रममा सहकारीकी अध्यक्ष कल्पना श्रेष्ठको अध्यक्षता रहेको थियो ।
यो पनि पढ्नुहोस्
