जिल्लास्तरीय रनिङ शिल्ड भलिबल प्रतियोगिता बुधबारदेखि हुने
१८ औं लक्ष्मीमाया बज्राचार्य स्मृति जिल्लास्तरीय रनिङशिल्ड भलिबल प्रतियोगिता हुने भएको छ ।
बसामाडी जेसीजको आयोजना तथा स्वर्ण भण्डारको प्रायोजनमा चैत २० गतेदेखि २३ गतेसम्म प्रतियोगिता हुने शुक्रबार पत्रकार सम्मेलन गर्दै जेसीजले जानकारी दिएको हो ।
यसका लागि टिम दर्ता खुलिसकेको कार्यक्रममा बताइएको थियो । प्रतियोगितामा १० देखि १५ वटा टिमको सहभागिता रहने अनुमान छ ।
प्रतियोगिता विजेताले ५० हजार रुपिया“ नगदसहित रनिङ शिल्ड तथा प्रमाणपत्र प्राप्त गर्नेछ । उपविजेताले २५ हजार रुपिया“ नगद, शिल्ड तथा प्रमाणपत्र प्राप्त गर्नेछ ।
प्रतियोगितामा विधागत उत्कृष्ट खेलाडीलाई पुरस्कारको व्यवस्था गरिएको आयोजकले जनाएको छ ।
प्रतियोगितामा करिब डेढ लाख खर्च हुने आयोजकको अनुमान छ । खेल पहिला लिगका आधारमा छनौट गरिने र पछि नकाउटका आधारमा खेलाइने बताइएको छ ।
युवा खेलाडी उत्पादन, भलिबल खेलप्रति आकर्षण बढाउने उद्धेश्यसहित प्रतियोगिता आयोजना गर्न लागिएको बसामाडी जेसीज अध्यक्ष सरोज अधिकारीले बताए । कार्यक्रम संयोजक श्याम टिबडेवाल छन् ।
यो पनि पढ्नुहोस्
