नेपाल पत्रकार महासंघ मकवानपुर शाखाका कार्यसमिति सदस्य एमपी शर्मालाई मातृशोक
नेपाल पत्रकार महासंघ मकवानपुर शाखाका कार्यसमिति सदस्य तथा हेटौडा एफएमका समाचार प्रमुख एमपी शर्मालाई मातृशोक परेको छ ।
शर्माकी ६३ वर्षिय आमा मैयाँदेवी पौडेलको आज अस्पतालमा निधन भएको हो । दम र मुटुको समस्याको कारण लामो समयदेखि उपचाररत उहाँको उपचारको क्रममा भतरपुर अस्पतालमा निधन भएको परिवारले जनाएको छ ।
उहाँको आजै देवघाटमा अन्तिम संस्कार गरिएको छ । यसैबीच नेपाल पत्रकार महासंघ मकवानपुरले शर्माकी पुजनिय आमा स्वर्गिय मैयाँदेबी प्रति श्रद्धाञ्जली व्यक्त गर्दै आत्माको चीरशान्तिको कामना गरेको छ ।
सचिव गणेशदर्पण अधिकारीले शाखाको तर्फबाट आज शोक वक्तव्य निकाल्दै पत्रकार शर्मासहित शोक सन्तप्त परिवारजन प्रति समवेदना पनि व्यक्त गर्नु भएको हो ।
यो पनि पढ्नुहोस्
