मकवानपुर गोल्डकपः पुलिसलाई हराउदै आयोजक मकवानपुर–११ फाइनलमा प्रवेश
नेपाल पुलिसलाई हराउदै आयोजक मकवानपुर–११ हेटौंडामा जारी दोस्रो संस्करणको सहिद स्मृति मकवानपुर गोल्डकप फुटबल प्रतियोगिताको फाइनलमा प्रवेश गरेको छ ।
हेटौंडा–१० स्थित वनविज्ञान खेल मैदानमा आज भएको पहिलो सेमिफाइलनमा मकवानपुरले नेपाल पुलिससंग १–० गोलको जित निकालेको हो ।
मकवानपुर–११ लाई अउपाधीको होडमा पुर्याउन ११ नम्बरका खेलाडी रोजन सुब्बाले खेलको ७८ औं मिनेटमा गोल गरेका थिए । सुब्बा खेलको म्यान अफ दी म्याच घोषित भएका छन् भने उनले नगद १० हजार समेत प्राप्त गरेका छन् ।
अब आयोजक मकवानपुर–११ ले उपाधीका लागि भोली हुने थ्रीस्टार र दाफिन्सबीचको सेमिफाइनल खेलको विजेतासँग प्रतिस्पर्धा गर्नेछ । विहीबार भोली हुने दोस्रो सेमिफाइनल थ्रीस्टार क्लब र दाफिन्स क्लबबीच प्रतिस्पर्धा हुनेछ ।
यो पनि पढ्नुहोस्
