मकवानपुर गोल्डकपः फ्रेण्डसलाई हराउन भरत शाहद्धारा ३ गोलको ह्याट्रिक
फ्रेण्डस् क्लबलाई पराजित गर्दै नेपाल पुलिस क्लब मकवानपुर गोल्डकपको सेमिफाईनलमा प्रवेश गरेको छ ।
हेटौंडा वन विज्ञान खेल मैदानमा आज भएको खेलमा फ्रेण्डस काठमाडौंलाई ३–० गोलले पराजित गर्दै नेपाल पुलिसले सानदार जीत निकालेको हो ।
नेपाल पुलिसलाई जीत दिलाउन भरत शाह एक्लैले ३ गोल गरेका हुन् । खेलको १७ औं मिनेटमा पहिलो गोल गरेका शाहले लगातार दुइ गोल थप्दै ह्याट्रिक पुरा गरे । आजको खेलको म्यान अफ दी म्याच पनि भरत शाह नै भएका छन् । फ्रेण्डस् क्लबले गोल गर्ने थुप्रै मौका गुमाएको थियो ।
मंगलबार भोली हुने खेलमा सरस्वती क्लब र थ्रिस्टार क्लब बीच प्रतिष्पर्धा हुनेछ ।
प्रतियोगिताको विजेताले नगद आठलाख रुपैँया र उपविजेताले नगद चारलाख रुपैँया प्राप्त गर्ने आयोजकले जनाएको छ ।
सर्वोत्कृष्ट खेलाडीलाई नगर ७५ हजार र उत्कृष्ट खेलाडी तथा प्रशिक्षकलाई जनही २०र२० हजार प्रदान गरिनेछ । प्रतियोगितामा १० टिमको सहभागिता छ ।
यो पनि पढ्नुहोस्
