एपीएफलाई हराउँदै दाफिन्स मकवानपुर गोल्डकपको सेमिफाईनलमा प्रवेश
सशस्त्र प्रहरीको एपीएफलाई हराउँदै क्यामारुनको दाफिन्स फुटबल क्लब मकवानपुर गोल्डकपको सेमिफाईनलमा प्रवेश गरेको छ ।
हेटौंडा वन विज्ञान खेल मैदानमा जारी खेलमा आज एपीएफलाई १-० गोलले हराउदै दाफिन्स सेमिफाईनलमा प्रवेश गरेको हो ।
दाफिन्सको जितका लागि यान्निक ओहानाले खेलको ७९ मिनेटमा गोल गरेका हुन् । आजको खेलको म्यान अफ दी म्याच पनि यान्निक नै घोषित भएका छन् ।
उनले नगद दशहजार रुपियाँ प्राप्त गरेका छन् । अब सेमिफाइनलमा दाफिन्सले थ्रीस्टार र सरस्वती युथ क्लबबीचको विजेतासँग प्रतिस्पर्धा गर्नेछ ।
सोमबार भोली हुने खेलमा नेपाल पुलिस र फ्रेण्डस क्लबबीच प्रतिस्पर्धा हुनेछ । प्रतियोगिताको विजेताले नगद आठलाख रुपैँया र उपविजेताले नगद चारलाख रुपैँया प्राप्त गर्नेछन् ।
प्रतियोगितामा विजेताले नगद ८ लाख र उपविजेताले नगद ४ लाख रुपयाँ प्राप्त गर्ने आयोजकले जनाएको छ । सर्वोत्कृष्ट खेलाडीलाई नगर ७५ हजार र उत्कृष्ट खेलाडी तथा प्रशिक्षकलाई जनही २०/२० हजार प्रदान गरिनेछ । प्रतियोगितामा १० टिमको सहभागिता छ ।
यो पनि पढ्नुहोस्
