हेटौँडा र मनहरीबाट लागुऔषध अफिम र गाँजाको धुलोसहित पक्राउ परेका २ जना सार्वजनिक
जिल्ला प्रहरी कार्यालय मकवानपुरले हेटौँडा र मनहरीबाट लागुऔषध अफिम र गाँजाको धुलोसहित पक्राउ परेका २ जनालाई आज सार्वजनिक गरेको छ । जिल्ला प्रहरी कार्यालयमा आज पत्रकार सम्मेलन गरी सार्वजनिक गरेको हो ।
लागुऔषध नियन्त्रण व्युरो काठमाडौंबाट प्रहरी नायव निरीक्षक ज्ञानेन्द्र बस्नेत र मकवानपुर प्रहरीको टोलीले हेटौँडा–२ संगमचोकबाट पर्सा कालिकामाई गाउँपालिका वडा नम्बर २ बस्ने २८ बर्षीय हरेराम कुसवाहको झोला खानतलासी गर्दा ५ सय ग्राम अफिम बरामद गरेको जनाएको छ ।
यस्तै मनहरी २ मुलखोलाको जंगलमा हिडिरहेका पर्सा जमुनिया गाउँपालिका वडा नम्बर ४ औराहका ५४ बर्षीय चिन्ता पञ्जियार थारुलाई खानतलासी गर्दा उनको साथबाट गाँजाको धुलो ६ किलो र खुकुरी १ थान बरामद गरेको पैहरीले जनाएको छ ।
उनिहरुलाई आवस्यक कार्वाही अघि बढाइएको प्रहरीको भनाइ छ ।
यो पनि पढ्नुहोस्
