हेटौंडा १९ बस्तीपुर सडक खण्डमा यात्रुवाहक बसको ठक्करबाट एक पैदल यात्रीको मृत्यु

हेटौंडा उपमहानगरपालिका वडा नम्बर १९ बस्तीपुर र दामसिटार बिचमा पर्ने सडक खण्डमा यात्रुवाहक बसले ठक्कर दिँदा एक पैदल यात्रीको मृत्यु भएको छ ।

गएराती १० बजेतिर पैदलयात्रीलाई बसले ठक्कर दिएको जिल्ला प्रहरी कार्यालय मकवानपुरका प्रहरी निरीक्षक मधुकुमार थापाले जानकारी दिनुभयो ।

मृतकको पहिचान खुल्न सकेको छैन । ठक्कर दिने ना ५ ख ५२४६ नम्बरको रात्रि बस र चालकलाई प्रहरीले नियन्त्रणमा लिएको छ ।

बसको ठक्करबाट ती पैदल यात्रीको टाउको फुटेको र घटना स्थलमै मृत्यु भएको जिल्ला प्रहरी कार्यालय मकवानपुरले जनाएको छ ।