हेटौंडा १४ मयुरधापमा शहरी स्वास्थ्य केन्द्रको आज उध्घाटन्
स्थानिय नागरिकलाई आफ्नै टोल टोलमा स्वास्थ्य सेवा दिने उदेस्यले हेटौंडा १४ मयुरधापमा शहरी स्वास्थ्य केन्द्रको आज उध्घाटन् गरिएको छ ।
केन्द्रको उध्घाटन् गर्दै हेटौंडा उपमहानगरपालिकाका मेयर हरिबहादुर महतले हरेक नागरिकले आफ्नै टोलमा उपचार पाउनका लागि स्वास्थ्य संस्थाको स्थापना गरिएको बताउनुभयो । हेटौंडाको हटियापछी मयुरधापमा शहरी स्वास्थ्य केन्द्र स्थापना गरेर आजबाट संचालनमा ल्याइएको हो ।
यस वडा र आसपासका क्षेत्रका नागरिकलाई आफ्नै टोलमा स्वास्थ्य सेवा दिनका लागि आफुहरु तयार रहेको मेयर महतले बताउनुभयो ।
स्थानिय बिद्यालयको भवनबाट अहिले स्वास्थ्य सेवा दिन सुरु गरिएपनि अब पछी भने स्वास्थ्य केन्द्रको भवननै निर्माण गरेर काम थालिने उहाँले बताउनुभयो । उपमहानगरपालिकाले स्वास्थ्यकर्मीहरु राखेर बिरामीको उपचार दिन सुरु गरिसकेको हेटौंडा १४ का वडाअध्यक्ष दिपक खड्काले बताउनुभयो ।
यसैगरी महिलाहरुको पाठेघर र स्तन क्यान्सरमा सम्बन्धमा आज मयुरधापमा शिबीर गरिएको छ । हेटौंडाका बिभीन्न वडा पछी आज मयुरधापमा स्वास्थ्य शिबीर गरिएको हो । उपमहानगरपालिकाको आर्थिक सहयोग, नेपाल नर्सिङ संघ मकवानपुरको आयोजना तथा नेपाल परिवार नियोजन संघको सहकार्यमा आज चुरीयामाइृमा स्वास्थ्य शिबीर गरिएको हो ।
शिबीरको उध्घाटन् गर्दै उपमहानगरपालिकाका मेयर हरिबहादुर महतले महिलाहरुको पाठेघर तथा स्तन क्यान्सर रोगको समस्या धेरै देखापरेपछी उनिहरुको स्वास्थ्यलाई ख्याल गर्दै उपचारको अभियान संचालन गरेको बताउनुभयो ।
यो पनि पढ्नुहोस्
