मकवानपुरको वागमती गाउँपालिकामा भएको दुर्घटना २ जनाको मृत्यु, ५ जना घाइते, २ जनाको अवस्था चिन्ताजनक ।
मकवानपुरको वागमती गाउँपालिका ४ पाँचपाण्डवमा गएराति ट्रयाक्टर दुर्घटना हुँदा दुईजनाको ज्यान गएको छ ।
पाँचजना घाइते भएका छन् । दुईजनाको अवस्था चिन्ताजनक रहेको जिल्ला प्रहरी कार्यालय मकवानपुरका प्रहरी उपरीक्षक बुद्धीराज गुरुङले बताउनुभयो ।
झुरझुरेबाट सिन्धुली जाँदै गरेको सिमेन्ट र रड लोड गरेको ना ६ त ४४२ नम्बरको ट्रयाक्टर अनियन्त्रत भई सडकको दाहिनेतर्फ पल्टिँदा ट्रयाक्टरमा भएका ७ जना मध्ये दुईजनाको ज्यान गएको एसपी गुङले बताउनुभयो ।
ज्यान गुमाउनेमा सिन्धुली हरिहरगढी गाउँपालिका ३ का ५५ वर्षीय हेमकुमार श्रेष्ठ र त्यही ठाउँका ५५ वर्षका बखतबहादुर राई रहेको एसपी गुङले जानकारी दिनुभयो ।
दुर्घटनामा सोही ठाउँका ५५ वर्षका मोहन राई, १७ वर्षका शक्ति राई, ३५ वर्षका कृष्णबहादुर राई, २५ वर्षका चालक तिलकराज राई, तथा हेटौँडा १० की शिवमाया मगर घाइते भएका छन् । उनीहरुलाई उपचारका लागि भरतपुर अस्पताल रिफर गरिएको प्रहरीले जनाएको छ ।
यो पनि पढ्नुहोस्
