लागुऔषध तस्करी रोक्न मकवानपुरका प्रहरीको सफलता
चालु आर्थिक वर्षको हालसम्म मकवानपुरमा ४ सय ३२ विगहा गाँजा तथा ३३ विगहा अफिम खेति नष्ट गरेको जिल्ला प्रहरी कार्यालय मकवनपुरले जानकारी दिएको छ ।
मकवानपुरका प्रहरी प्रमुख एसपी बुद्धिराज गुरुङले आज पत्रकार सम्मेलन गरी लागु औषध फडानीमा सफलता हाँसिल गरेको बताउनभयो ।
उहाँले कुल ३ सय ७५ विगहा लागु औषध गाँजा तथा अफिम फडानीको लागि १ हजार ३ सय ८९ जना प्रहरी परिचालन भएको समेत जानकारी दिनुभयो ।
यस्तै, मकवानपुर प्रहरीले चालु आर्थिक वर्षको हालसम्म ८ सय ९० किलो गाँजा, ३२ किलो चरेश, २ हजार १ सय १९ ट्याब्लेट नाईट्रोभेट, ४५ ट्याब्लेट स्पास्मो, १ सय ७५ बोत्तल कोरेक्स बरामद गरेको छ ।
यस्तै १ हजार ७ सय ७८ एम्पुल डाईजोपम, १ हजार ६ सय ९९ एम्पुल फेनारगन, १ हजार ६ सय ६० एम्पुल ब्युप्रोनोफिन, ६ एम्पुल नोर्पिmन तथा ४ ग्राम ३३५मिलिग्राम खैरो हिरोईन बरामद गरेको एसपी गुरुङले जानकारी दिनुभयो ।
यो पनि पढ्नुहोस्
