पुस २४ गतेदेखि हुने खप्तड गोल्डकपको उद्घाटन खेलमा सुदूरपश्चिम र झापा ११ भिड्ने
धनगढीमा पुस २४ गतेबाट सुदूरपश्चिम खप्तड गोल्डकप हुने भएको छ । खप्तड गोल्डकपको उद्घाटन खेलमा आयोजक सुदूरपश्चिम र झापा ११ बीच प्रतिस्पर्धा हुनेछ ।
प्रतियोगिताको पहिलो खेलमा झापा आयोजक खेल्ने पक्का भए पनि बाँकी तालिका भने आयोजकले ट्रफी सार्वजनिक कार्यक्रममा गर्ने भएका छन् । सुदूरपश्चिममा आयोजना हुने खप्तड गोल्डकपको मुख्य प्रायोजन चौधरी ग्रुपले गर्ने भएको छ ।
पुस २४ देखि माघ ५ गतेसम्म आयोजना हुने प्रतियोगितामा थ्रीस्टार, संकटा, गोर्खा ब्वाइज रुपन्देही, नेपाल पुलिस क्लब, काँकडभिट्टा ट्रेनिङ सेन्टर, एपीएफ, दिल्ली युनाइटेड भारत, च्यासल क्लब र आयोजक सुदूरपश्चिम ११ सहित १२ टिमको सहभागिता रहनेछ।
प्रतियोगिताको उपाधि विजेताले नगद २१ लाख १ हजार र उपविजेताले १० लाख १ रुपैयाँ पुरस्कार पाउने छन् ।
यो पनि पढ्नुहोस्
