एक वर्षमा २९ जना बलात्किृतः जिप्रका मकवानपुर 

मकवानपुर जिल्लामा एक वर्षमा २९ जना बलात्कारको शिकार भएका छन ।

जिल्ला प्रहरी कार्यालय मकवानपुरले दिएको तथ्याङ्क अनुसार गत वर्षको पुस महिनाबाट हालसम्म २९ जना बलात्कारको शिकार भएका हुन् । २०७४ साल पुस महिनामा १ जना बलात्कारको शिकार भएकोमा माघमा २, फागुनमा २, चैत्रमा ३ जना बलात्कारको शिकार भए । 

त्यसैगरी २०७५ साल जेठमा २, असारमा ४, श्रावणमा २, भदौमा ३, असोजमा ३, कार्तिकमा ५, मंसिरमा १ तथा पुसको आजसम्म १ जना बलात्कारको शिकार भएको प्रहरीको भनाइ रहेको छ ।

यसैगरी यो वर्ष १२ जनालाई प्रहरीले जवरजस्ती करणी उद्योगमा पक्राउ गरेको प्रहरीको भनाई रहेको छ । पछिल्लो समयमा देशभरमानै बलात्कार जस्तो गम्भिर अपराधको श्रृंखला बढेको छ । बलात्कारीलाई कडा भन्दा कडा सजाँयको माग गर्दै देशमा दैनिकजसो प्रर्दशन समेत हने गरेका छन् ।