शहीद स्मारक ए डिभिजन लिग अन्तर्गत आज दुई खेल हुँदै
शहीद स्मारक ए डिभिजन लिग अन्तर्गत आज दुई खेल हुँदैछन् ।
सातदोबाटोस्थित एन्फा कम्प्लेक्सको मैदानमा हुने पहिलो खेलमा बिहान ११ बजेदखि थ्रीस्टार र फ्रेण्ड्स क्लबबीच प्रतिस्पर्धा हुनेछ ।
दुई वर्षअघिको राष्ट्रिय लिग विजेता थ्रीस्टार ए डिभिजन लिगकै दावेदारको रुपमा रहेको छ । राष्ट्रिय टोलीका खेलाडीले भरिएको थ्रीस्टारको सन्तुलित टोली छ । यता फ्रेण्ड्स भने युवा खेलाडीले भरमा हुनेछ । सम्झौता प्रक्रिया नटुंगिएकाले फ्रेण्ड्सले बिदेशी खेलाडी अनुबन्ध गर्न पाएको छैन ।
यस्तै दिउँसो ३ बजेदेखि सुरु हुने दोस्रो खेलमा जावलाखेलले बिभागीय टोली नेपाल पुलिसको सामना गर्नेछ ।
लामो समयदेखि नकआउट प्रतियोगिताहरुमा पनि सहभागिता नजनाएको जावलाखेलको टोली नयाँ फर्मेसनमा छ भने युवा खेलाडीले भरिएको पुलिस पुस्तान्तरण पछि ए डिभिजन लिगमा पुनरागमन गर्न चाहन्छ ।
यो पनि पढ्नुहोस्
