युरोपियन च्याम्पियन्स लिगको समूह चरणको ड्र सार्वजनिक
युरोपियन च्याम्पियन्स लिगको समूह चरणको ड्र सार्वजनिक भएको छ ।
युरोपका उत्कृष्ट ३२ क्लबलाई विभिन्न ८ समूहमा विभाजन गरेर ड्र सार्वजनिक गरिएको छ । गएराती भएको ड्र अनुसार साविक विजेता रियल मड्रिडलाई केही सजिलो रहेको छ भने बार्सिलोना, लिभरपुल जस्ता टोली कठिन समूहमा परेका छन् ।
यस्तै यसै सिजन मात्र युभेन्ट्स गएका क्रिस्टियानो रोनाल्डोले समूह चरणमा पूर्व क्लब म्यानचेष्टर युनाइटेड विरुद्ध खेल्ने भएका छन् । पछिल्लो तीन सिजनको विजेता रियल समूह जीमा रोमा, सि एस के ए मस्को र भिक्टोरिया प्लेजनसँगै परेको छ ।
यस्तै बार्सिलोना, टोटनहन हट्सपर, पिएसभी र इन्टरन मिलान समूह्य बी मा छन् । फ्रेन्च च्याम्पियन पिएसजी, लिभरपुल, नेपोली र रेड स्टार बेलग्रेड समूह सी मा छन् भने प्रिमियर लिग च्याम्पियन म्यानचेष्टर सिटी, साख्तर डोनेस्क, लियोन र होफेन हेइम समूह एफ मा छन् ।
जर्मन च्याम्पियन वायर्नु म्युनिख, वेनफिका, अयाक्स र एइके एथेन्स समूह ई मा परेका छन् ।
यो पनि पढ्नुहोस्
