एसियाली खेलकुदका लागि नेपाली फुटबल टोली थाइल्यान्ड जाने
इन्डोनेसियामा हुने १८ औं एसियाली खेलकुदका लागि नेपाली फुटबल टोली थाइल्यान्ड जाने भएको छ ।
एसियन गेम्सको १८ औं संस्करण यही भदौं २ गतेदेखि इन्डोनेसियाको जाकार्ता र पालेमबाङमा आयोजना हुँदैछ ।
नेपाली टोलीले अन्तिम तयारी थाइल्याण्डमा नै गर्नेछ । एसियाडमा सहभागि हुने २३ वर्ष मुनिको नेपाली टोलीले थाइल्यान्डमा २ वटा मैत्रीपूर्ण खेल खेल्ने अखिल नेपाल फुटबल संघ (एन्फा) ले जनाएको छ ।
एसियाडका लागि एन्फाले यसअघि नै २० सदस्यीय टिमको घोषणा गरिसकेको छ ।
नेपाली टोलीले १ देखि ४ अगष्ट भित्र दुई वटा मैत्रीपूर्ण खेल खेल्नेछ । अहिले नेपाली टोली सातदोबाटो स्थित एन्फा मुख्यालयमा अभ्यास गरिरहेको छ ।
यो पनि पढ्नुहोस्
