हेटौडामा जारी महिला राष्ट्रिय फुटबलको फाइनल आज, काठमाडौं र सिन्धुपाल्चोक भिड्ने ।
हेटौडामा जारी उपराष्ट्रपति महिला राष्ट्रिय फुटबल प्रतियोगिताको छनौट अन्तर्गत आज हुने फाइनल खेलमा काठमाडौं र सिन्धुपाल्चोक भिड्दै छन् । यी दुइ बीचको खेल दिउँसो ३ बजे हुनेछ ।
सोमबार भएको सेमिफाइनलमा काठमाडौंले मकवानपुरलाई ३–० र मंगलबार भएको दोस्रो सेमिफाइनलमा सिन्धुपाल्चोकले ताप्लेजुङलाई १–० गोलले पराजित गर्दै फाईनलमा प्रवेश गरेका हुन् ।
प्रतियोगिताको विजेताले काठमाडौंमा हुने महिला राष्ट्रिय लिगमा प्रतिनिधित्व गर्ने मौका पाउनेछ । मकवानपुर र रौतहट गरी दुई स्थानमा प्रतियोगिता सञ्चालन भइरहेको छ । दुवैतर्फ १३–१३ जिल्लाको सहभागिता रहेको छ ।
अखिल नेपाल फुटबल संघ एन्फाको आयोजना तथा मकवानपुर जिल्ला फुटबल संघको व्यवस्थापनमा हेटौडा ४ लोकतान्त्रिक हुप्राचौरमा जारी प्रतियोगितामा मकवानपुर सहित काठमाडौं, सिन्धुपाल्चोक, ताप्लेजुङ, बाँके, बर्दिया, स्याङजा, उदयपुर, महोत्तरी, नवलपरासी, रुपन्देही। सुर्खेत र चितवन सहभागी थिए ।
यो पनि पढ्नुहोस्
