सुनसरीको कोशी कटानमा जीप दुर्घटना, ६ जनाको मृत्य
पूर्व—पश्चिम राजमार्ग अन्तर्गत सुनसरीको कोशी गाउँपालिका–४ कोशी कटानमा भारतीय जीप दुर्घटनामा ६ जनाको ज्यान गएको छ । ४ जना घाइते भएका छन् ।
ज्यान जाने मध्ये भारतको विहार राज्यको सुपौल जिल्ला लक्ष्मीणीया बस्ने ४० वर्षका संजीव कुमार र गोनु कुमारको मात्र परिचय खुलेको सुनसरीका प्रहरी नायब उपरीक्षक नारायण प्रसाद चिमरियाले जानकारी दिनुभयो ।
पूर्वबाट पश्चिम तर्फ जाँदै गरेको बि आर ०६ पी बी ६४१८ नम्बरको स्कारपिओ जीप दुर्घटना भएको हो । दुर्घटनामा ३ जनाको घटनास्थलमै र ३ जनाको विराटनगरको गोल्डेन अस्पतालमा उपचारका क्रममा ज्यान गएको प्रहरीले जनाएको छ ।
यो पनि पढ्नुहोस्
