दाङको शान्तिनगरमा फैलिएको झाडापखालाको प्रकोप नियन्त्रण बाहिर
दाङको शान्तिनगरमा फैलिएको झाडापखालाको प्रकोप नियन्त्रण बाहिर गएको छ ।
पातेटाकुरा, गनारी, गाहा टोल, अँधेरे, भल टोल, खत्री टोल, चिराघाट एकली, कजेरी र हिरापुर गाउँमा झाडा पखालाको प्रकोप फैलिएको छ ।
स्थानीय माइली खोला खानेपानी आयोजनाको पानी दुषित भएकाले झाडा पखाला फैलिएको शान्तिनगर स्वास्थ्य चौकीका प्रमुख हरि पुनले बताए । उनका अनुसार आइतबारसम्म एक हजार जना बिरामीको उपचार गरिएको छ ।
सोमबार बिहानैदेखि पनि बिरामीहरु उपचार गर्न आइरहेका छन् । झाडा पखाला फैलिएपछि स्थानीय स्कुल बन्द गरिएको छ । वीपी कोइराला मावि र हुमाचन्द्र बोर्डिङ स्कूल आइतबारदेखि नै बन्द छन् ।
राप्ती उपक्षेत्रीय अस्पताल घोराही, शान्तिनगर स्वास्थ्य चौकी र सेनाको टोलीले बिरामीको उपचार गर्दै आएका छन् ।अनलाइनखबर
यो पनि पढ्नुहोस्
