पोखरीमा डुबेर रुपन्देहीका ४ बालिकाको मृत्यु
पोखरीमा नुहाउने क्रममा डुबेर रुपन्देहीका ४ बालिकाको मृत्यु भएको छ ।
रुपन्देहीको लुम्बिनी साँकृतिक नगरपालिका–११, मसिना–गडिदियास्थित नौखनिया सोमबार नुहाउन पोखरीमा पुगेका उनीहरुको डुबेर मृत्यु भएको इलाका प्रहरी कार्यालय लुम्बिनीले जनाएको छ ।
मृत्यु हुनेमा स्थानीय ९ वर्षीया अविदा खातुन, १० वर्षीया साहिमा खातुन, मुदिना खातुन र १४ वर्षीया साहिया खातुन रहेका छन् । बालिका डुबेको स्थान लुम्बिनीदेखि झन्डै चार किलोमिटर पश्चिम तथा स्थानीय गाउँदेखि एक किलोमिटर टाढा रहेको छ ।
वडा नम्बर–११ का अध्यक्ष अकरामद्धिन खाँनले पोखरीमा बालिकाहरु डुबेको देखेपछि स्थानीय र प्रहरीलाई खबर गरेका थिए । प्रहरीले उनीहरुलाई पोखरीबाट निकालेको थियो । मृतक बालिका मध्ये दुईजना एकैघरका रहेको बुझिएको छ ।
यो पनि पढ्नुहोस्
